Hivi karibuni kumekuwa na ajali nyingi sana zinazohusisha bodaboda, Ajali hizi zimezidi kuwa nyingi mpaka watu sasa wanaona ni jambo la kawaida.

Hii sio sawa hata kidogo. Ningeomba Mamlaka zinazohusika hasa hapa Dar kuliangalia hili jambo kwa ukaribu zaidi. Hii hali imekithiri mno. Maisha ya watu wengi yamepotea na yanaendele kupotea bila sababu yoyote ya msingi.

Kila siku utasikia watu wametoka msibani na ukiuliza chanzo utasikia bodaboda. Sio sawa kabisa hii.

Na kitu kinachokatisha tamaa zaidi ni kwamba watu wanaosababisha ajali hizi wengi wanaaishia kuachiwa huru na tunao mitaani huku.

Sheria zingekuwa kali na adhabu kali zingekuwa zinatolewa, Ajali nyingi kama hizi zingeweza kuepukika.

Sometimes hata kwenye mataa unaona taa iko nyekundu lakini unaona bodaboda kwa weledi alionao anapita kwa speed kama vile amechelewa sehemu au kama ni ambulance. Na the fact kwamba wanaweza kufanya baadhi ya vitendo kama hivi vya kuvunja sheria za barabarani mbele ya Trafiki ni kitu cha kuogofya sana.

Usalama wa raia unahatarishwa kwa sababu ya baadhi ya vijana ambao hawataki kufuata sheria za barabarani.

Kwa wanaobebwa na bodaboda kama mteja au vinginevyo, ukiona mtu anaendesha kwa speed zisizoeleweka, uwe wa kwanza kumwambia aache au akushushe utafute usafiri mwingine, mtu anaoneshea sifa barabarani huku akijua body ya huo usafiri ni nyie wawili, na sometimes hata hamjavaa helment(not that it would make any difference kama mtu yuko na speed zisizoeleweka).

Najua kuna watu watasema sijui wenye magari ndio wanaowafanya hawa bodaboda sometimes wawe reckless barabarani. Sheria ishike mkondo wake, sheria za barabrani zifuatwe na chombo chochote cha moto inabidi kifuate sheria za barabarani.

Usalama barabarani sio jambo la starehe ni kitu ambacho inabidi kila mmoja wetu akichukulie kwa ukaribu wake kwa kuamini watu wote waliopo barabarani wana maisha yao ambayo ni muhimu.

Let It Rip

Here is a safe space, you can freely share anything that you feel isn't right in your day-to-day life. Chin up and Vent.

For Creatives Only